Hér að neðan eru upplýsingar um Livigno.
Hvar er Livigno?
Livigno er sjarmerandi lítill ítalskur bær og landsþekkt skíðasvæði sem liggur hátt í ítölsku Ölpunum í héraðinu Lombardíu, fast upp við landamæri Sviss. Bærinn er oft kallaður „Litla Tíbet“ (ítalska: Piccolo Tibet) vegna einangraðrar staðsetningar sinnar, mikillar hæðar yfir sjávarmáli og mikils snjóöryggis.
Skíðasvæðið
Í 1.815 metra hæð yfir sjávarmáli liggur Livigno, skíðasvæði sem svíkur engan.Skíðasvæðið nær upp í uþb 3000m hæð. Svæðið skiptist í tvo megintinda, Carosello 3000 og Mottolino, sem bjóða upp á fjölbreyttar brekkur fyrir alla fjölskylduna – allt frá breiðum byrjendasvæðum yfir í krefjandi svarta tinda og verðlaunaða snjóbrettagarða. Einnig er mjög gott gönguskíðasvæði og koma mörg landslið í þeirri íþrótt til æfinga í Livigno útaf einmitt miklu snjóöryggi. Hér að neðan er linkur á "Alto ski". En það er rafrænn skíðapassi þar sem greitt er fyrir þá daga sem skíðað er.
Miðbærinn
Miðbær Livigno er einstaklega sjarmerandi og iðar af lífi allt árið um kring. Hjarta bæjarins er löng og falleg göngugata, umkringd tignarlegum fjallatindum og hefðbundnum ítölskum timburhúsum. Livigno er opinbert tollfrjálst svæði (duty-free), það þýðir að enginn virðisaukaskattur (skattfrjálst/duty-free) er lagður á vörur í bænum. Í miðbænum finnurðu yfir 250 verslanir þar sem hægt er að gera góð kaup á vörumerkjum, fatnaði, snyrtivörum, úrum og áfengi á mun lægra verði en annars staðar í Evrópu.